ОЧЛ–2017. “Истиқлол” – “Локомотив” учрашувини Жанубий кореялик ҳакамлар бошқаради
10 мар 2017 10:27
Новости

ОЧЛ–2017. “Истиқлол” – “Локомотив” учрашувини Жанубий кореялик ҳакамлар бошқаради

Осиё Чемпионлар Лигаси–2017 мусобақаси “А” гуруҳи 3-туридан ўрин олган “Истиқлол” (Эрон, Теҳрон) – “Локомотив” (Ўзбекистон) ўйинига расмийлар тайинланди.

Учрашув бош ҳаками этиб Жанубий кореялик Ким Жонг Хёк тайинланди. Унга қанотларда Юк Кванг-йол ва Ким Юнг-ха ёрдам беради. Тўртинчи ҳакам вазифаси ливанлик Али Редага юклатилди.

Малайзиялик Муҳаммад Сайфиддин бин Абу Бакр учрашув комиссари сифатида ишлайди. Иорданиялик Умар Муса Ҳалаф Абу Лум ҳакамлар назоратчиси бўлади.

“Истиқлол” – “Локомотив” учрашуви 13 март, душанба Теҳрон шаҳридаги “Озоди” стадионида бўлиб ўтади. Ўйин маҳаллий вақт билан 19:00 (Тошкент вақти билан 20:30)да бошланади.

Маълумот учун, “А” гуруҳидан ўрин олган барча жамоалар 3 очкога эга. Тўплар нисбати бўйича “Истиқлол” 1-ўринда бормоқда. “Темирйўлчилар” эса 2-поғонани эгаллаб турибди.

Ссылка :

Источник : the-uff.com

Получайте новости прямо в Telegram!

Рейтинг: +7