ОЧЛ-2016. "Шандонг Луненг" ва "Сеул" чорак финалда
25 мая 2016 18:36
Новости

ОЧЛ-2016. "Шандонг Луненг" ва "Сеул" чорак финалда

Осиё чемпионлар лигаси 1/8 финалидан ўрин олган икки учрашув якунланди.

"Сидней" ва "Шандонг Луненг" ўртасидаги ўйинда 2:2 ҳисоби қайд этилди. Бир ҳафта олдин Хитойдаги ўйин 1:1 ҳисоби билан тугаганди. Шу боис сафарда кўпроқ гол урган "Шандонг Луненг" чорак финалга йўл олди. Ушбу баҳсни ҳамюртимиз Илгиз Танташев бошқариб борди.

"Сеул" - "Урава Ред Даймондс" учрашуви эса драматик тарзда кечди. Япониядаги баҳсда мезбонлар 1:0 ҳисобида зафар қучишганди. Бугунги ўйиннинг асосий вақтида "Сеул" 1:0 ҳисобида ғолиб бўлди. Қўшимча бўлимларда томонлар иккитадан гол уришди. ОФК регламентига кўра қўшимча таймларда урилган голларга сафардаги гол қоидаси риоя қилмайди. Шу боис жамоалар ғолибни аниқлаш учун пенальтилар сериясига мурожаат қилинди. Унда омад "Сеул"га кулиб боқди - 7:6.

1/8 финал. Жавоб учрашуви
"Сидней" - "Шандонг Луненг" 2:2
Голлар: ОНил 2, Грант 46 - Монтилло 12, Хао Жунмин 90

"Сеул" - "Урава Ред Даймондс" 3:2 (пенальтилар серияси 7:6)
Голлар: Дамьянович 29, Адриано 94, Го Йо Хан 120+2 - Таданари Ли 112, 115.

Кеча "Чонбук Моторс" (Жанубий Корея), "Шанхай SIPG" (Хитой) клублари ҳам чорак финалга чиқишганди.

Ссылка :

Источник : championat.asia

Получайте новости прямо в Telegram!

Рейтинг: +4