RU

Последние новости

17:39Конференциялар Лигасининг асосий босқичига қуръа ташлаш натижалари эълон қилинди  0 17:15"Манчестер Юнайтед"нинг баъзи футболчилари Аморимнинг тактикасига шубҳа билан қарамоқда  3 16:50Европа Лигасига қуръа ташланди  3 16:26"Ньюкасл" "Барселона" ярим ҳимоячиси учун 100 миллион евро тўлашга тайёр  8 15:58Родриго "Реал"да қоладими?  2 15:28"Арсенал" "Байер" футболчисининг трансферини якунлади  2 14:57"Ал Иттиҳод" Педро учун 35 миллион евро таклиф қилди  5 14:35"Мамлакатимизда футбол ривожланмоқда, балки кейинги мундиалда иштирок этишимиз мумкин". Қирғиз Республикаси бош мураббийи иштирокидаги матбуот анжумани (тўлиқ)  1 14:02Аргентина терма жамоасининг бўлажак ўйинлар учун таркиби маълум  1 13:33"Реал" афсонаси: "Олмаотага учиш Нью-Йоркка учишдек гап"  15 13:04"Фенербахче" Моуриньюни бош мураббий лавозимидан озод этди  11 12:52Туркманистон бош мураббийи Ровшан Мередов: "Бу савол менга эмас"  17 12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  23 11:56Тимур Кападзе Паулу Бенту ҳақида фикр билдирди  35 11:44Карлуш Кейруш: "Бир неча йил аввал Ўзбекистон футболи "уйқу"да эди"  27

"Обод" иккинчи даврада нима қилади? Новости

"Обод" иккинчи даврада нима қилади?

Теги :  Обод
24 июнь куни ўтказилган "Пахтакор" - "Обод" баҳси "Обод" учун олий лигадаги охирги ўйин бўлиши мумкин. Чунки жамоа ўз фаолиятини тўхтатиш арафасида.

Бунга клубдаги молияивй ҳолат сабаб бўлмоқда. Бизга маълум бўлишича, футболчилар анчадан бери маош олишмаяпти. Жамоа ҳатто сафар ўйинларига ўз ҳисобидан бориб келяпти. "Обод" "Пахтакор" билан ўйинда ҳам жуда кайфиятсиз ҳаракат қилди. Футболчилар гўёки мағлубиятга розидек тўп тепишди.

Хўш, ҳаммаси қачондан бошланди? "Обод" бош мураббийи Рауф Инилеевнинг айтишича, жамоа аъзолари баҳор ойларидаёқ клубда пул йўқлигидан хабардор бўлишган. "Ҳомийлар пул беришни тўхтатиб қўйишди", - дейди Рауф Талгатович бу борада. "Обод" 18 май куни "Жар" стадионида "Динамо"ни қабул қилиб жуда чиройли ўйин эвазига 3:1 ҳисобида ғалаб қозонди.



Мана шу ўйин ўтгач, жамоа кейинги турни Муборакда ўтказиши лозим эди. Аммо "Обод" сафарга йўл олишидан олдин пул йўқлиги ҳақидаги гаплар янада авж олди. Ҳатто ярим жамоа бормаймиз деб туриб олди. Лекин жамоа сардори Анвар Ғофуров ҳаммани бир жойга йиғган ва ўйинга бормасак шарманда бўламиз деган.

"Обод" Муборакка боргани билан "Машъал"дан 0:3 ҳисобида мағлуб бўлди. Жамоа ундан кейинги учта беллашувда ҳам ютқазди. Бу ҳам майли, "Обод" сафардаги ўйинларда ҳатто гол ура олмади. Уйдаги охирги иккита баҳсни эса бир хил 1:4 ҳисоби билан бой берди. Жамоа жанговор, футболчилар курашувчан, лекин пул бўлмаганидан кейин кимнинг ҳам тўп ортидан югургиси келади.

"Обод" иккинчи даврада ўйнайдими деган саволга Инилеев аниқ жавоб бера олмади, фақат шундай бўлиши ҳақиқатга яқин экани ҳамда бу ҳақда ЎФФ ва ПФЛга хат берилганини айтди. Рауф Инилеев шунингдек, Самвел Бабаян "Обод"га ёрдам бериши мумкинлиги ҳақидаги гапларни ҳам инкор қилмади. "Бабаянми ё бошқаси, ким бўлса ҳам келиб клубни қутқариб қолмаса бўлмайди", - дейди Инилеев.



Ҳозирги "Обод"нинг иккинчи лига жамоаларидан фарқи қолмаган. Клубда автобус йўқ, футболчилар ўйинга машинада қатнашади. Овқатланиш жойидамас, ҳартугул машғулотлар амал-тақал бўлиб турибди. Албатта, бу аҳволда узоққа бориб бўлмайди. Балки, клубни молиявий банкрот дея ёпиб юборган маъқулдир. Чунки футбол томондан "Обод"нинг биринчи даврада ҳеч қанақа фойдаси тегмади. Фақат ютқазиб юрадиган, 15та ўйинда 30та гол ўтказадиган жамоанинг кимга кераги бор?

Майли, чемпионатимизда 15та клуб қолсин, борингки жамоалар сони 12 ёки 10та бўлсин, лекин биз ҳам қизиқарли футбол кўрайлик. Тўғрисини айтганда, зерикарли ўйинлардан жудаям зерикдик.

Х.Холиқов.

Рейтинг: +26   

Комментарии

championat.asia
< посмотреть последние новости
Яндекс.Метрика