Обамейянг Туманли Альбионга кўчиб ўтишга яқин
19 июн 2017 22:50
Новости

Обамейянг Туманли Альбионга кўчиб ўтишга яқин

Дортмунднинг “Боруссия” клуби ҳужумчиси Пьер-Эмерик Обамейянг фаолиятини Англия Премьер-лигасида давом эттиришга яқин турибди.

Футболчига “Манчестер Сити” клуби жиддий тарзда эътибор қаратган. Шу кунларда “шаҳарликлар”нинг ҳужумчининг трансфери юзасидан Дортмунд клубига расмий таклиф билан чиқиши кутилмоқда.

Обамейянгнинг “Боруссия” билан амалдаги шартномаси 2020 йилнинг ёзига қадар амал қилади. Ўтган мавсумда 28 ёшли футболчи 31та гол билан Германия Бундеслигаси тўпурари бўлган эди.