Обамеянг ЕЛ ҳақида: "Барселона" финалгача етиб бориб, ғалаба қозона олади"

"Қийин ўйин. "Галатасарой" яхши ҳимояланди. Биз биринчи бўлимда кўп тўп йўқотдик. Аммо иккинчи таймда яхшироқ ҳаракат қилдик. Якунда эса ғалаба қозондик, шу энг муҳими. 

Ўтказиб юборилган голдан сўнг қайта олиш - бу яхши. Бизда кучли характер бор. Педрининг голи бизга руҳий томонлама катта ёрдам берди. Бу ажойиб гол эди.

Мен қаттиқ ишлаяпман. Бу ерда бахтлиман ва бу энг муҳими. Ўзингни яхши ҳис қилсанг, қўлингдан келган барча ишни қилиб, жамоага ёрдам бера оласан. 

Шу руҳда давом этишимиз керак. "Барса" финалгача бориб, ғалаба қозона олади деб ўйлайман. Ўз ўйиним ҳақида кўпроқ ўйлашим керак. Биз интенсив ҳаракат қилсак, ғалаба учун кўпроқ имкониятга эга бўламиз. 

Мени биринчи классико кутмоқда. Кўрамиз, бу нима экан. Мен ушбу ўйинда ўйнашимдан хурсандман", - деди Обамеянг "Галатасарой" билан учрашувдан сўнг.