ОАВ: Салаҳ "Барселона"га қарши баҳсда иштирок эта олмайди
06 мая 2019 12:04
Новости

ОАВ: Салаҳ "Барселона"га қарши баҳсда иштирок эта олмайди

"Ливерпуль" форварди Муҳаммад Салаҳ ЕЧЛ ярим финал жавоб ўйини доирасида "Барселона"га қарши баҳсда жамоасига ёрдам бера олмайди.

Бу ҳақда Мисрнинг "Yallakora" нашри хабар берди.

Эслатиб ўтамиз, футболчи АПЛ 37-тури доирасида "Ньюкасл"га қарши учрашув (3:2)да жароҳат олган эди. Беллашувнинг 68-дақиқасида мисрлик "ҳаккалар" дарвозабони Мартин Дубравка билан тўқнашиб кетди ва бошига зарба қабул қилиб олди ва майдонни замбилда тарк этди.

Олдинроқ, мерсисайдликлар бош мураббийи Юрген Клопп Салаҳнинг аҳволи борасида ижобий натижага умид қилаётганини айтиб ўтган эди. Футболчи бугун тўлиқ тиббий кўрикдан ўтади.

"Ливерпуль" биринчи учрашувда "Барселона"га 0:3 ҳисобида имкониятни бой бериб қўйганди. Жавоб баҳси эса сешанба оқшомида "Энфилд"да бўлиб ўтади.