ОАВ диққатига! «Оқтепа» эмас, «Оқ-тепа»

2000 йил ташкил топган жамоамиз 2006 йилдан буён Ўзбекистон Биринчилиги ва Ўзбекистон Кубоги баҳсларида иштирок этиб келмоқда. Барчага маълум, ЎзПФЛ ўтказаётган мусобақалар деярли барча нашрларда ёритиб келинади. Турли ОАВ нашрларида фаолият кўрсатаётган ҳамкасбларимизни бир жиҳатга эътибор қаратишларини сўрардик. Клубимизнинг расмий номи “Оқ-тепа”. Жамоа ташкил топганидан бери шу ном билан фаолият юритади. Яъни, дастлабки икки ҳарф “Оқ”дан кейин “-” (чизиқча) бор. Аммо деярли барча нашрларда чизиқчасиз “Оқтепа” деб ёзилади.
 
Бу ПФЛнинг расмий сайтида жамоамиз “Оқтепа” кўринишида ёзилиши билан боғлиқ бўлса керак. Лекин клубнинг номи барча расмий ҳужжатларда “Оқ-тепа” деб ёзилган. Хусусан, ҳар мавсум аввалида ва ёзги танаффусда ПФЛга топшириладиган ҳужжатларда ҳам. Илгари клубнинг расмий сайти фаолият кўрсатмагани учун бу ҳақида огоҳлантиришнинг имкони бўлмаган. Ҳозир вазият бошқача. Шу боис, биз ҳамкасбларимиздан бунга аҳамият беришларини ва бундан кейин клубнинг номини “Оқ-тепа” кўринишида ёзишларини сўраб қоламиз.