"Ньюкасл" Тоналининг ўрнига номзодлар рўйхатини тузди

"Ньюкасл" клуби ярим ҳимоячи Сандро Тоналининг ўрнига номзодлар рўйхатини шакллантирди, деб хабар берди "The Athletic".

"Ҳаккалар" Кэлвин Филлипс ("Манчестер Сити"), Скотт Мактоминей ("Манчестер Юнайтед"), Жоау Пальинья ("Фулхэм") ва Амаду Онана ("Эвертон")ни кўзлаган.

Юқоридаги футболчилардан ҳеч бирини қўлга киритиш осон бўлмайди. "Ньюкасл" Пальинья ва Филлипс билан шартнома имзолаш учун топ-клублар билан рақобатлашиши керак. "Эвертон" Онанани 70 миллион фунт стерлингга баҳолаган, "Манчестер Юнайтед" эса Мактоминейни сотиш ҳақидаги фикридан қайтган.

Аввалроқ Тонали 10 ойга дисквалификация қилинган эди.