Нуралиев Австрия йиғинига 18 нафар футболчи билан йўл олади

Ўсмирлар ўртасидаги (U-17) жаҳон чемпионатига тайёргарлик кўраётган Ўзбекистон U-17 ўсмирлар терма жамоаси 4-9 сентябрь кунлари Австрияда навбатдаги йиғинини ўтказиши ҳақида хабар берган эдик. Мазкур йиғин давомида Нуралиев шогирдлари 5 ҳамда 7 сентябрь кунлари мезбон - Австрия ўсмирлар терма жамоасига қарши иккита ўртоқлик учрашувини ўтказади. Таъкидлаш жоиз, Австрия ўсмирлар терма жамоаси (U-17) ҳам БАА мамлакатида бўлиб ўтадиган ўсмирлар ўртасидаги жаҳон чемпионати финал босқичи иштирокчиси саналади.

Ўзбекистон ўсмирлар терма жамоаси бош мураббийи Дилшод Нуралиев Австрияга жами 18 нафар футболчи билан йўл олади.

Эслатиб ўтамиз, Дилшод Нуралиев бош мураббийлигидаги Ўзбекистон ўсмирлар терма жамоаси шу йилнинг 17 октябрь - 8 ноябрь кунлари БАА мамлакатида бўлиб ўтадиган U-17 ўсмирлар ўртасидаги жаҳон чемпионати финал босқичида иштитрок этади.

Австрия йиғинига чақирилиган футболчилар рўйхати:
Дарвозабонлар: Сарвар Каримов, Шохжаҳон Эшбўтаев
Ҳимоячилар: Иброҳим Абдуллаев, Одил Ҳамробеков, Жамшид Болтабоев, Ойбек Эркинов, Акром Комилов, Рустам Ашурматов, Ҳумоюн Агзамов.
Ярим ҳимоячилар: Равшан Хурсанов, Иззатилла Абдуллаев, Илҳомжон Абдуғаниев, Ислом Каримов, Зарбилло Умаров.
Ҳужумчилар: Акобир Тўраев, Аббос Нематиллаев, Шахзод Очилов, Жавоҳир Сиддиқов.