Нурали Султонов: "Истайсизми-йўқми, 17-18 ёшли бола ҳали бола"

Учрашувдан кейин мезбонлар бош мураббийи Нурали Султоновнинг фикрлари билан қизиқдик.

- Кечаги учрашув анчагина "оғир" ўтди. Боиси, футболчиларга барқарорлик етишмаяпти. Бу табиий ҳол. Сабаби, қўл остимизда 17-18 ёшли болалар ўйнашади. Бундай ёшдаги болаларда барқарорлик ҳар доим ҳам бир хил бўлавермайди. Шунинг учун кечаги баҳс бироз "оғир" ўтди. Ўйин аввалида рақиб дарвозасини ишғол қилиш учун бир қатор имкониятларга эга бўлдик, аммо шогирдларим бундан фойдалана олишмади. Аммо якунда барибир ғалабани қозона олдик.

Бизнинг асосий мақсадимиз бош жамоага футболчи етиштириб беришдир. 4 ўйиндан 6 очко жамғардик. Аслида бундан яхшироқ ҳам бўлиши мумкин эди. Сафардаги икки баҳсда ҳам сўнгги дақиқаларда диққатни йўқотишимиз натижасида ютқазиб қўйдик. Буни ҳам шогирдларимда барқарорлик етишмагани билан изоҳлаган бўлардим. Истайсизми-йўқми, 17-18 ёшли бола ҳали бола. Ўйлашимча, биз дастлабки 4 турдан кейин 9 очкога лойиқ ўйин кўрсатган эдик.

Фурқатбек Нишонов