Нойер: "Левандовски жарима майдончаси ичида - "қотил"
25 авг 2016 23:35
Новости

Нойер: "Левандовски жарима майдончаси ичида - "қотил"

"Бавария" клуби дарвозабони Мануэль Нойер янги мавсум старти олдидан жамоа ҳужумчиси Роберт Левандовски манзилига илиқ сўзларни айтиб ўтди.

- Жамоада Роберт Левандовски сингари ҳужумчи бўлиши қўшимча имконият беради. Левандовски жарима майдончаси ичида - "қотил". Роберт жарима майдончаси ичида қандай ўйнаш кераклигини, қаерда қандай йўл тутиш лозимлигини яхши билади. У ҳеч қачон рақиб дарвозаси олдида совуққонликни йўқотмайди.

Роберт машғулотлар пайтида ҳам ҳар доим гол уришни истайди. Левандовски голга чанқоқ ҳужумчи.

Ҳужумчилар фаолиятида пасайиш ва юқорилаш даври бўлади. Бу табиий нарса. Масалан Томас Мюллер Европа чемпионатида жуда яхши ўйнади. Аммо рақиб дарвозаси олдида унга омад етишмади. Бу каби ҳолатлар барча футболчилар билан руй беради.

Ўйлайманки, бизнинг ҳужумчилар янги мавсумда ҳам ўтган йилги самарадорликни сақлаб қолишади.

Ссылка :

Источник : bild.de

Получайте новости прямо в Telegram!

Рейтинг: +2