Ноил Губанов "Нефтчи"дан кетмаган

Сабаби шу йилнинг охирида шартномаси якунига етадиган ўйинчилар сони кўпчиликни ташкил этади. Уларнинг кўпчилиги катта эхтимол билан бошқа жамоаларнинг таклифини кўриб чиқмоқда.

Шунингдек мураббийлар штабида ҳам ўзгариш бўлса ажаб эмас. Яқинда "ФЭ" газетасига ушбу клуб мураббийи Ноил Губанов интервью бериб, жамоанинг ички сиёсати ҳақида дилидаги гапларни айтиб ўтганди. Унда бош мураббий Амет Меметнинг иш услуби анча эскирган деган мазмунда айтганди. Губановнинг ушбу аччиқ гаплари табиийки клуб ижрочи раҳбарларини қониқтирмаслиги турган гап эди. Эътиборлиси Ноил Губановнинг ўзи ҳам интервью бераётган чоғида буни жуда яхши тушуниб етган ва ишдан кетиш хавфи борлигини айтиб ўтганди.

Мухлислар орасида ҳам Губановнинг "Нефтчи"дан кетганлиги тўғрисида гап-сўзлар урчий бошлади. Вазиятга ойдинлик киритиш мақсадида клуб матбуот котиби билан боғланганимизда, Губновнинг амалда декабрь ойининг сўнгги кунига қадар шартномаси борлигини, шунинг учун мураббий ҳамон "Нефтчи" аъзоси эканлигини айтиб, клубдан расман кетмаганини маълум қилди.

"CА"га етиб келган сўнгги норасмий маълумотларга кўра, Губанов ўша интервьюсидан кейин вилоят ҳокимининг қабулида бўлган ва унинг келгуси йилда ҳам жамоада ишлаши кераклиги ойдинлашган.