Нима учун Ферги футболчиларига либосларини алмаштиришни талаб қилган? ВИДЕО

"Манчестер Юнайтед" сафарда "Саутгемптон"га қарши ўйиннинг танаффусига 0:3 ҳисобидаги мағлубият билан чиқиб кетди, 15 дақиқаликда эса Алекс Фергюсон футболчиларига формаларини алмаштиришни талаб қилди. Бу йўл барибир ёрдам бермади - "фаришталар" якунда 3:1 ҳисобида ғалабага эришди, иккинчи бўлимда ёш Гиггз рақиблари постига йўл топди.

Танаффусда шотландиялик мураббий жахл отига минганди: "Формангизни ечинг. Кийимингизни алмаштиришингиз керак". У футболчиларининг ҳимоядаги хатолари ҳақида индамади, у бор аламини кулранг либослардан олди.

Гари Невилл кейинчалик шундай деганди: "У ўша либосларни ёқтирмасди. Бунга ҳудди назариялар жойлаштирилгандек эди".

"Юнайтед" ўша мавсумда кулранг либосларида 5 ўйин ўтказган ва шуларнинг атиги 1тасида ғалабага эришиб, қолган 4тасида мағлуб бўлганди.

Ўйиндан кейин Фергюсон ҳолатни шу тариқа тушунтирганди: "Кулранг либосда футболчиларим бир-бирини кўрмаяпти, ажрата олмаяпти. Йигитларнинг айтишига кўра, бошни кўтарган пайтда шерикларни топа олишмаяпти. Ваҳима қиладиган бошқа ҳеч нима йўқ"

1995/96 йилги мавсум "Олд Траффорд"да сўнггиси бўлган Ли Шарп орадан 10 йил ўтиб, "The Guardian" нашрига нима сабабдан ўша ўйинга 2 комплект либос олиб борилганини айтиб берди: "Унчалик ёдимда йўқ. Менимча ўшанда кимдир либосдан шикоят қилишини билишган. Ғалати томони шундаки, бизнинг ёнимизда яна бир либос бор эди. Бироқ гап бунда эмас. "Саутгемптон"нинг йўл-йўлли қизил либосларидан ажралиб турадиган айнан кулранг формани ким танлаганини менга қизиқ бўлган"

Невилл айтган назария эса - Фергюсон штабидаги мутахассиснинг қарашлари бўлган, "фаришталар" кийиб тушган қизил-оқ либосли жамоага қарши ўйинда кулранг либосни ажратиш бироз қийинроқ эди. Айниқса қуёшда кўзга нур тушиб, мияни чалғитарди. Оқ-кўк эса бошқа гап. Кўк ранг кўзга яққол ташланиб туради"

Ўша кулранг либосларни ахлатга ташлаб юбориш учун Фергюсонга 5та омадсиз ўйиннинг ўзи кифоя қилди. Шундан кейин "Umbro" кулранг либосларнинг нархини кескин равишда туширишига тўғри келди. Бошида 30-40 фунтга сотилган либослар нархи энди мухлисларнинг ҳовуридан тушиши учун 10 фунтгача пасайтирилди.

Шу орқали Фергюсон ОАВнинг футболчиларга бўлаётган босимини туширишга уринди. Бунга Невилл ҳам шундай ишора берганди: "Жамоада кимдир жиддий хатога йўл қўйса, Фергюсон матбуотда ғалати терминлар айтиб, ОАВ эътиборини ўзига қаратарди".

2013 йилда "Manchester Evening News" мухлислар билан биргаликда клуб тарихидаги энг ёмон либосни танлади. Кутилганидек, ўша кулранг либос биринчи ўринни эгаллади.

Миржалол Норматов таржимаси