Николаев ва Клишин "Динамо" билан шартнома имзолади
25 мар 2016 18:40
Новости

Николаев ва Клишин "Динамо" билан шартнома имзолади

Ўзбекистон Биринчилиги баҳсларига қизғин ҳозирлик кўраётган «Динамо» жамоаси таркиби кучайтирилишда давом этмоқда.

Янги мураббий Илҳом Шарипов қўл остида Самарқанддаги қароргоҳда ўтаётган ўқув-машғулот йиғинида яна икки тажрибали футболчи келиб қўшилди. Булар, Алексей Николаев ва Виктор Клишинлардир. Эътиборлиси, ҳар икки ўйинчи ҳам «Динамо»нинг собиқ футболчилари саналишади.

Жумладан, тажрибали ҳимоячи Алексей Николаев 2010 йилда жамоамиз шарафини ҳимоя қилганди. Ўзбекистон терма жамоасининг собиқ футболчиси «Динамо» билан шартнома имзолаб, 2016 йилги мавсумни Самарқандда ўтказиши аниқ бўлди.

2011 йилда «Динамо» жамоасида тўп сурган тажрибали ҳужумчи Виктор Клишин ҳам яна жамоамиз сафига қайтди. «Машъал» ва «Шўртан» клублари сафида Биринчи Лига тўпурарлари қаторида бўлган 33 ёшли футболчи «Динамо» билан бир йиллик шартномага имзо чекди.

Ўтган мавсумда Алексей Николаев «Қўқон-1912» клуби шарафини ҳимоя қилган бўлса, Виктор Клишин «Қизилқум» сафида тўп сурганди.

Эслатиб ўтамиз, бунга қадар «Динамо» Михаил Наумов, Азамат Бобожонов ва Алишер Холиқов сингари янги футболчилар билан ҳам шартнома имзолаган эди.

Ссылка :

Источник : fcdinamo.uz

Получайте новости прямо в Telegram!

Рейтинг: +5