Никола Берти: "Интер" учун қайғурмасангиз ҳам бўлади. Биз кучли учликда қоламиз"
07 фев 2019 16:50
Новости
![](https://championat.asia/upload/storage/476080_original.jpg)
![](/upload/storage/476080_220.jpg)
Никола Берти: "Интер" учун қайғурмасангиз ҳам бўлади. Биз кучли учликда қоламиз"
— Аслини олганда, вазият унчалик ҳам ёмон эмас. Жамоамиз кучли, унинг ўзига хос ўйин услуби бор. Тўғри, клуб охирги пайтларда ғалаба қозона олмаяти. Бундан мухлислар ҳам тушкунликка тушиб қолди. Лекин ҳеч қандай ташвишга ҳожат йўқ.
— Демак, жамоа Чемпионлар Лигасида иштирок этиши мумкинлиги борасида ҳеч қандай қўрқув йўқ. "Милан" учинчи поғонани эгаллай оладими?
— Ҳа, тез орада бўлиб ўтадиган бронза медали учун курашда Миланнинг икки клуби ўртасидаги баҳсни томоша қилишингиз мумкин. Қизиқарли ўйин бўлади деб умид қиламан. Бир нарсага шубҳа йўқ: "Интер" учинчи ўринни эгаллайди, "Россонерилар" эса 4-поғонада қолади.
— Собиқ жамоангиз қуйи поғоналарга тушиб кетаётганини сезиш қийинмас. Нима деб ўйлайсиз, бунга сабаб нима?
— Биз клуб кийиниш хонасида нима бўлаётганини билмаймиз. Аммо ваҳима кўтаришга сабаб йўқ деб ўйлайман. Аксинча, қувончли пайтлар кўпроқ назаримда.
— Яъни? Бунга мисол келтира оласизми?
— Масалан, Перишич билан боғлиқ вазият: ҳамма у клубдан кетади деб ўйлаганди. Лекин у нафақат "Интер"да қолди, балки "Болонья"га қарши баҳсда энг яхши ўйинчилардан бири бўлди. У жамоанинг ажралмас бир қисми ва клубга фойда келтириш ниятида эканини исботлай олди. "Лацио" билан бўлган учрашувда эса у натижа учун қайғураётганини сезиш қийинмасди. Умид қиламанки, у футболчиларни қандай кўллаб-қувватлаганини ҳамма кўрган ва сезган.
— Аммо "Интер" ишқибозлари сизчалик яхши кайфиятда эмас.
— Мухлисларимиз ҳамма нарсани юрагига яқин олади, баъзида эса ҳаддан ташқари. Жамоамиз уларнинг кўз ўнгида яна ўз ҳолига қайтишига ишонаман.
Нозима Зарипова таржимаси
Похожие новости
![AMP Logo](https://championat.asia/image/logo-amp.png)
Комментарии