Нико Ковач: “Бавария“да ҳеч қандай инқироз йўқ”

“Мен улар бундай тахминларни қаердан олаётганини биламан. Улар жамоадан ташқарида пайдо бўлмоқда. Аммо биздан ижобий атмосфера ҳукмрон. Албатта, майдонга туша олмаётган футболчилар жамодаги аҳволидан қониқмаслиги мумкин. Лекин биз юта олмасак, хафа бўламиз. Бу шунчаки ишдаги ҳолат. Қайд этилишича, биз етарлича машғулот ўтказмаётган эканмиз. Аммо буниси ўта кулгили. Ҳафтасига уч марта ўйнар эканмиз, машғулотлар ҳам қисқароқ бўлиши керак. “Бавария“да ҳеч қандай инқироз йўқ. Шунчаки ҳозир қийинроқ даврни бошдан кечирмоқдамиз, холос. Бунақаси эса ҳар бир жамоада бўлади”,—дейди Ковач.