Неймарнинг апелляцияси рад этилди
19 июн 2019 13:27
Новости

Неймарнинг апелляцияси рад этилди

Франция футбол федерацияси олий апелляция қўмитаси ПСЖ ҳужумчиси Неймарнинг 3та ўйинлик дисквалификация бўйича берган аппеляциясини рад этди.

Бразилиялик футболчи Франция Кубоги финал ўйини доирасидаги "Ренн"га қарши ўйиндан сўнг мухлиснинг бошига ургани учун шартли равишда 3та ўйинга четлатилган эди.

Неймар 2та ўйинни ўтказиб бўлди. Франция Суперкубоги учун "Ренн"га қарши кечадиган ўйин ПСЖ форварди учун 3-си бўлади.

Эслатиб ўтамиз, Неймар олдин ҳам УЕФА томонидан 3та ўйинга четлатилган. Ўшанда Чемпионлар Лигаси 1/8 финал доирасидаги "Манчестер Юнайтед"га қарши ўтган жавоб ўйинидаги ҳаракатлари учун жазога тортилган эди. Бу қарор учун ҳам шикоят хати ёзилган.