Неймар: “Спорт формамни бир маромда ушлашга интилаяпман, аммо бу осон эмас”

“Карантин даврини оилам даврасида ўтказишни режа қилганман. Аммо ҳар куни машғулотларни давом эттираяпман. Спорт формамни сақлаб қолишга интилаяпман, аммо бу осон эмас. Ҳали олдимда кўплаб муҳим ўйинлар бор, шу боис машғулотларни тўхтатиш ҳақида ўйлаётганим  йўқ. Мен жамоа билан қай тарзда машғулотлар ўтказган бўлсам, ўша ритмда индивидуал машғулот ўтказиб келаяпман. Бу машқларни максимал тарзда, астойдил бажаришга интилаяпман. Одатий футбол учрашувларини соғиндим,  мураббийларимизинг биз учун тайёрлаган дастурларини бажаришни канда қилганим йўқ”, дея Неймарнинг сўзларидан иқтибос келтирмоқда Sport.es.

Франция чемпионати коронавирус пандемияси туфайли муддатидан олдин якунига етказилган ва ПСЖ мамлакат чемпиони дея эълон қилинган. Аммо Тухел жамоаси ЕЧЛ ¼ финалида ўз юришини давом эттирмоқда. Ушбу турнир УЕФА томонидан август ойида давом эттирилиши мўлжалланган.