Неймар нима учун пенальтини тепганига ойдинлик киритди
28 янв 2018 01:28
Новости

Неймар нима учун пенальтини тепганига ойдинлик киритди

“ПСЖ” ҳужумчиси Неймар Франция чемпионатининг 23-турида “Монпелье” устидан (4:0) қозонилган ғалабадан кейин ўз фикрларини билдириб ўтди.

Бразилиялик футболчи учрашувнинг биринчи бўлими охирларида пеналтини аниқ амалга ошириб, “ПСЖ”нинг “Парк де Пренс” стадионидаги 2000-голига муаллифлик қилди. Беллашувнинг 82-дақиқасида у иккинчи бор рақиб дарвозасини ишғол этди.

“Мен хурсандман, биз ғалаба қозондик, бу муҳим. Ўйлашимча, яхши ўйин ўтказдик. Мен бу ерда бахтлиман, бу ерга жамоанинг тарихини яратишга келганман.

Пеналти? Мураббий ўйиндан олдин пеналтини мен тепишим кераклигини айтди. Шу сабаб Кавани билан ўртамизда бу борада ҳеч қандай муаммо йўқ”, дея Неймарнинг сўзларидан иқтибос келтирмоқда L'Equipe нашри.