Неймар 2 февраль куни судда кўрсатма беради

2 февраль куни кўк-анорранглилар ҳужумчиси суд қаршисида "Сантос"дан Каталония клубига ўтиши қандай содир бўлганини айтиб бериши керак. Бундан ташқари, унинг ота-онаси, "Барселона" президенти Хосеп Мария Бартомеу, кўк-анорранглилар собиқ раҳбари Сандро Росель, "Сантос" собиқ президентлари Луис Алваро де Оливейра  ва Одилио Родригеслар кўрсатма беради.

DIS инвеститция фонди вакилларининг сўзларига кўра, улар Неймар трансфери маблағининг 40%ни олиши креак эди, аммо улар фақатгини 17,1 млн. евро олишган. Каталония клуби ҳужумчи учун 83,3 млн. евро тўлаган. Бундан ташқари, DIS Неймарни фонд билан ҳамкорлик қоидаларини бузганликда айблаяпти. Маълум бўлишича, ҳужумчи 2011 йилда керакли руҳсатномаларсиз "Барселона" билан шартнома имзолаган ва агар Неймар Каталония клубига эркин агент сифатида ўтса кўк-анорранглилар футболчига 40 млн. евро ўтказиб беришни ваъда қилган.