“Нефтчи” янги мавсумга тайёргарликни эртадан бошлайди
11 дек 2022 09:45
Новости

“Нефтчи” янги мавсумга тайёргарликни эртадан бошлайди

Виталий Левченко бош мураббийлигидаги "Нефтчи" футбол клуби янги мавсумга тайёргарлик режаларини белгилаб олди.

Режага кўра, тайёргарлик ишлари 3 босқичда амалга оширилади.

12 декабрдан бошланадиган I-босқичда Виталий Левченко шогирдлари Тошкентда йиғилиб, машғулотларга киришадилар. Бу жараён 24 декабргача давом этади.

6 январдан 20 январгача давом этадиган II-босқични "Нефтчи" вакиллари Туркиянинг Лара шаҳрида ўтказишади. Бу босқичда тайёргарликнинг муҳим қисми сифатида ўртоқлик-назорат учрашувларини ўтказиш режалаштирилган.

III-босқич жараёни ҳам 27 январдан 17 февралга қадар яна Туркиянинг Лара шаҳрида олиб борилади. Бу босқичлар жараёнида жамоага қабул қилинган янги футболчиларнинг нимага қодир эканликлари ва жамоанинг янги мавсумга тайёргарлик даражасига баҳо берилади.

Мавсумга тайёргарлик борасидаги маълумотларни расмий сайтимиз ва ижтимоий тармоқлардаги саҳифаларимиз орқали кузатиб боринг.

Ссылка :

Источник : "Нефтчи" ПФК матбуот хизмати

Получайте новости прямо в Telegram!

Рейтинг: +6