"Нефтчи" украиналик футболчи билан шартнома имзолади
15 фев 2023 19:24
Новости

"Нефтчи" украиналик футболчи билан шартнома имзолади

Янги мавсумга жиддий тайёргарлик кўраётган Фарғонанинг "Нефтчи" клуби ўз сафини легионер футболчи билан тўлдирди.

Жамоанинг янги аъзоси Юрий Батюшин 1992 йилда Украинанинг Алчевск шаҳрида таваллуд топган. Катта футболга 2011 йилда қадам қўйган футболчи дебютини "Сталь" жамоаси сафида бошлади. Кейинчалик 2015 йилда Украинанинг бошқа бир жамоаси "Николаев" ФКга кўчиб ўтади. У ерда икки йил тўп тепгач, Батюшин "Горняк-Спорт" клубида фаолиятини давом эттиради. 2021 йил Юрий Батюшин "Металлист-1925" клуби билан шартнома имзолаб, 15 та учрашувда 3 та гол уришга муваффақ бўлди. Ўтган мавсум футболчи Грузиянинг "Дила" жамоаси сафида тўп тепди. Айни пайтда ушбу футболчининг Transfermarkt порталидаги нархи 250 минг еврони ташкил этади.