"Нефтчи" Қирғизистон клубини 7:0 ҳисобида мағлуб этди

3 февраль куни “Ўш”га қарши рақобат олиб борган фарғоналик футболчилар йирик 7:0 натижасида навбатдаги уч очкони расмийлаштиришди.


“Нефтчи” мухлисларига хушхабар бор. Фарғона жамоаси таркибига янги легионер дарвозабон келиб қўшилди. 25 ёшли украиналик Виталий Мирний  жамоа кўригида бўлиб турибди. Айнан “Ўш”га қарши баҳсда хорижлик дарвозабон “Нефтчи” шарафини ҳимоя қилди ва бир қатор сейвларни намойиш этиб ўзида яхши таассурот қолдирди.


Ўйинда Абдул Азиз Юсупов, Анвар Бердиев, Аббос Махсталиев, Даврон Исақовлар биттадан гол киритишган бўлса Амиржон Сафаров дубл қайд этди. Яна бир гол қирғизистонлик футболчилар томонидан автогол сифатида киритилди.



“Нефтчи” мураббийлар штаби баҳсда қуйидаги таркибдан фойдаланишди.

Асосий таркиб: 1.Виталий Мирний, 35. Даврон Маматов, 3. Шукур Пўлатов, 20. Алишер Саматов, 44. Жасур Азимов, 24. Абдужамол Исроилов, 77. Мухаммаджон Исаев, 33. Илхом Юнусов, 88. Аббос Махсталиев, 10.  Анвар Бердиев, 37. Амиржон Сафаров

Захира: 35. Фаррух Турдалиев, 21. Иқбол Бобохонов, 23. Абдул Азиз Юсупов, 17. Суннатилла Эрматов, 82. Зохир Қўзибоев, 19. Отабек Ахмаджонов, 9. Даврон Исоқов

Мазкур ғалабадан сўнг “Нефтчи” “А” гуруҳидаги пешқадамлигини яна давом эттиради. 5 февраль куни ҳал қилувчи баҳс “Истиқлол”га қарши ўтказилади. Қуйида 4-турдан кейинги вазиятни кўришингиз мумкин.