RU

Последние новости

21:55Иско финал олдидан қандай фикрда?  0 21:38"Насаф" - 2025 йилги Ўзбекистон Суперкубоги соҳиби!  151 20:51Симоне Инзаги "Олтин тўп"ни ким олиши кераклигини айтди  7 20:29"Барселона" Шенсни бўйича қарор қабул қилди  2 19:52Хаби Алонсонинг "Реал" бош мураббийи этиб тайинланганидан кейинги илк фикрлари  2 19:25"Милан" янги спорт директорини тайинлади. Жамоани қайта тиклаш учун ким жавобгар бўлади?  7 19:02Дониёр Саидов: "Тажрибали мураббийларнинг тактик курашига гувоҳ бўламиз"  0 18:49Ўзбекистон Суперкубоги. "Насаф" – "Андижон". Таркиблар маълум  14 18:37"Насаф"нинг Суперкубок баҳси учун "Бунёдкор"га етиб келишидан суратлар  1 18:28"Андижон"нинг Суперкубок учрашуви учун стадионга етиб келишидан суратлар  9 18:16Асрор Алиқулов: "Биринчи бўлимда бизга иккинчи бўлимдаги каби шижоат етишмади"  0 18:00БАА - Ўзбекистон учрашувини катта экранда томоша қилишни истаганлар диққатига!   12 17:54Ўзбекистон Суперкубоги-2025. "Бунёдкор" стадиони учрашувга шай ҳолатда  2 17:20Саудия Арабистонида спиртли ичимликлар: 2034 йилги ЖЧда сайёҳлар учун истисно бўлиши мумкин  5 16:57"Мен умримда бунақасини кўрмаганман". Зидан Ямалнинг истеъдодини эътироф этди  9

“Нефтчи” ПФКда кутилаётган ўзгаришлар ҳақида расмий баёнот Новости

“Нефтчи” ПФКда кутилаётган ўзгаришлар ҳақида расмий баёнот

Теги :  Нефтчи
Фарғонанинг “Нефтчи” профессионал клуби жамоа таркибидаги кутилаётган ўзгаришлар борасида расмий баёнот беради:

Айни пайтда фарғоналиклар жамоаси ЖЧ-2018 муносабати билан чемпионатда юзага келган танаффус сабаб қисқа таътилга чиққан. Дарҳақиқат, шу кунларда жамоа сафини тарк этган ва клубга келиб қўшилиши кутилётган янги футболчилар ҳақида турли-хил норасмий хабарлар мавжуд.

Сўнгги йилларда “Нефтчи” жамоаси ёшлар борасида муваффақиятли сиёсат олиб бормоқда. Жорий мавсумда ҳам жамоанинг асосий ўзагини ёшлар таркибидан етишиб чиққан махаллий ўйинчилар ташкил этди. Шунингдек, мамлакатнинг турли-хил ёш тоифасидаги терма жамоалар йиғинига “Нефтчи”нинг кўплаб футболчилари мунтазам жалб қилиб келинмоқда.

18 июнь куни Ўзбекистонда трансфер ойнаси расман очилади ва клублар ўз сафига янги футболчиларни қўшиб олиш имкониятига эга бўлишади. Шу кунларда “Нефтчи”нинг бир қатор тажрибали ва ёш ўйинчиларга Суперлига  клубларидан таклифлар тушаётганини маълум қилиб ўтмоқчимиз. Хусусан, Авазбек Ўлмасалиев, Аброрбек Исмоилов, Достонбек Турсунов, Абдужамол Исроилов, Абдураҳмон Абдулҳақов ҳамда Алишер Саматовларга 2-3 та клублардан жиддий таклифлар келиб тушмоқда. Бироқ “Нефтчи” ПФК ҳамда ушбу ўйинчилар ўртасида амалдаги шартномалар мавжуд ҳисобланади. Шуни қўшимча қилиш керакки, клуб мазкур ўйинчиларни ўз таркибиди сақлаб қолишга интилади. Бироқ футболчиларга келиб тушаётган таклифларда “Нефтчи” жамоасининг манфаати учун қулай бандлар бўлса, жамоамизнинг фойдаси учун хизмати қиладиган шартлар мавжуд бўлсагина клуб ўйинчилар борасида музокара олиб бориши мумкин.

Айни пайтда бир қатор Суперлига клублари каби “Нефтчи” жамоасида ҳам молиявий қийинчиликлар мавжуд. Шу сабаб, украиналик маҳоратли дарвозабон Виталий Мирнийнининг жамоада қолиши катта суроқ остида турибди. Дарвозабоннинг ўзи ҳам мураббийлар штаби ҳам уни “Нефтчи” клубида фаолиятини давом эттиришини истайди. Агар клубдаги молиявий аҳвол яхшиланмаса, Мирний жамоа билан хайрлашади. Айни пайтда дарвозабон ўз юртида таътилни ўтказмоқда. Виталий билан боғлиқ вазият ой охирига қадар ўз ечимини топади.

Шунингдек, “Нефтчи” мураббийлар штаби Суперлиганинг бир неча клубларидаги ўйинчилар билан музокаралар олиб бормоқда. Хусусан 5-6 нафар янги ўйинчилар “Нефтчи” сафига келиб қўшилиши кутилмоқда. Агар янги футболчилар билан музокаралар муваффақиятли якунланса, улар жамоанинг 20 июнь кунги йиғинига келиб қўшилишади. Воқеалар ривожи давом этмоқда.

“Нефтчи” клуби мухлислардан жамоа ҳақида тарқалётган турли-хил миш-мишларга эътибор қилмаслигини сўрайди. Жамоага доир сўнгги янгиликларни клуб расмий сайти ва ижтимоий тармоқларида кузатиб боринг.


“Нефтчи” ПФК матбуот хизмати

Рейтинг: +2   

Комментарии

championat.asia
< посмотреть последние новости
Яндекс.Метрика