"Нефтчи" машғулотларга киришди, жамоани ким шуғуллантирмоқда?
20 дек 2017 15:07
Новости

"Нефтчи" машғулотларга киришди, жамоани ким шуғуллантирмоқда?

Фарғонанинг "Нефтчи" жамоаси таътилдан қайтиб, янги мавсумга тараддуд кўришни бошлагани ҳақида клуб расмий сайти маълумот тарқатганди.

Бизга маълум бўлишича, "Нефтчи" жамоасини айни пайтда катта мураббий Сергей Лебедев шуғуллантирмоқда.

Жамоа бош мураббийи Вадим Абрамов эса машғулотларда иштирок этмаяпти. "Нефтчи" жамоасининг машғулотларида фақат маҳаллий футболчилар шуғулланишмоқда. Тайёргарликнинг дастлабки босқичи Фарғонада бўлиб ўтади. Янги йилдан кейин эса жамоа қаерда йиғин ўтказиши ҳозирча номаълум.

Шуни қайд этиш керакки, Олий лигада жорий мавсумда 15-ўринни эгаллаган фарғоналиклар келаси йилни қайси лигада бошлашлари номаълум.

Эслатиб ўтамиз, яқинда ЎФФ "Нефтчи" бош мураббийи Вадим Абрамовни номуайян муддатга футболдан четлатди.

"Нефтчи" клуби матбуот хизмати эса ҳозирча амалдаги бош мураббийи Вадим Абрамов борасида изоҳ беролмаслигини маълум қилди.

Ссылка :

Источник : championat.asia

Получайте новости прямо в Telegram!

Рейтинг: +14