Небойся Йовович: "Таблодаги ҳисоб жуда уятли"

- Бу каби ўйиндан кейин гапириш осон эмас. Ҳисоб жуда уятли бўлди. Таблодаги 5:1 ҳисоби биз учун жуда оғир зарба. "Насаф"ни эса ажойиб ғалаба билан табриклайман. Улар бугун ҳақли равишда муваффақият қозонишди.

Об-ҳаво ёки бошқа сабабларни баҳона қилмоқчи эмасман. Биз рақиб билан бир хил шароитда ўйнадик. Голларни дастлабки иккатаси стандарт вазиятидан кейин киритилди. Учинчи гол эса фантастик тарзда бўлди. Кейин пенальти ва автогол. Демак биз ўтказиб юборилган голларда қаердадир хатога йўл қўйдик. Лекин шуни айтишим мумкинки, биз бу каби шармандали тарзда ютқазишга лойиқ эмасдик. "Насаф" эса ғалабага муносиб ўйнади ва ҳақли тарзда ОЧЛ гуруҳ босқичига йўл чиқди. Яна қайтариб ўтаман, ҳар бир ўтказиб юборилган голлар алоҳида вазият.

"Насаф" ажойиб жамоа. Бежизга бу жамоа Ўзбекистоннинг совриндори ҳисобланмайди. Қаршиликлар сифатли таркиб йиғишга муваффақ бўлишган. Драган Черан ажойиб ҳужумчи, ҳақиқий тўпурар. Шунингдек, бу жамоа сафига куни кеча тўрт нафар Осиё чемпионлари келиб қўшилишди.

Шуни қайд этиб ўтиш керакки, ўз вақтида "Насаф"да ўйнаган Иван Бошкович ҳамда Драган Черан мени қўл остимда ҳаракат қилган. Шу боисдан ҳам бу жамоа ҳақида керакли маълумотларга эгаман.