Назорат учрашуви. "НБУ-Осиё" - "Бухоро" 1:5

Бугунги спарринг-рақиб, биринчи лига вакили Тошкентнинг "НБУ-Осиё" жамоаси бўлди. Ушбу баҳс ҳозиргина ўз якунига етди ва унда бухороликлар йирик ғалабани қўлга киритишди. Учрашувда "Бухоро" кўригига Тошкентнинг "Локомотив" жамоасидан ташриф буюрган ҳимоячи Шерзод Шарипов иштирок этди.

Ҳозирги кунга келиб "банкчилар" таркибида анча тажрибали футболчилар жамланишганини эътироф этиш мумкин. Жумладан, ўтган мавсум "Бухоро" шарафини ҳимоя қилган Алексей Николаев, ўз вақтида бухороликлар сафида тўп сурган Юрий Цой, Константин Боевларни мисол қилиш мумкин. Булардан ташқари Зайниддин Тожиев, Леонид Кошелев, Абдумажид Тоиров ҳам тошкентликлар шарафини ҳимоя қилишди.

Учрашувда "Бухоро" футболчилари рақибига нисбатдан анча ёшроқ бўлишига қарамай тўлиқ ташаббус билан ҳаракат қилишди.

Ўйинда "Бухоро"нинг ёш ҳужумчиси Фирдавс Асадов бир йула учта тўп киритиб, хет-трик қайд этган бўлса, яна бир маҳаллий футболчи Сухроб Неъматов ва "Бухоро" йиғинига яқинда "Локомотив"дан қўшилган Шерзод Шарипов биттадан гол киритишди ва бухороликларнинг 5:1 ҳисобидаги ғалабасига ўз улушларини қўшишди.

"НБУ-Осиё" (Тошкент) -"Бухоро" (Бухоро)  1:5
ГОЛЛАР: Фирдавс Асадов (3 та), Шерзод Шарипов, Сухроб Неъматов
"Бухоро": А.Корнейчук, Г.Квесиешвили, Ш.Раимқулов, И.Ильин, Ш.Шарипов, С.Неъматов, П.Вуйович, В.Плэмэдялэ, А.Акопянц, Ф.Асадов, Б.Ваҳобов.
Захирадагилар: Ф.Турдалиев, Р.Асланов, Ш.Жумабоев, Ж.Убайдуллаев.