"Навбаҳор": Тошкентда “Сўғдиёна” билан ҳам ўйнаймиз
18 июл 2016 22:14
Новости

"Навбаҳор": Тошкентда “Сўғдиёна” билан ҳам ўйнаймиз

Бугун бўлиб ўтган эрталабки машғулотдан кейин мураббийлар футболчиларга дам олиш учун рухсат беришди.

Эртага бўлиб ўтадиган эрталабки машғулотдан кейин эса Бўстонлиқ туманида ташкил этилган йиғин якунига етади. Футболчилар бир кунлик дам олишдан кейин 21 июль куни навбатдаги йиғинни ўтказиш мақсадида Тошкентда тўпланишади. Жамоа аъзолари иккинчи даврага тайёргарликнинг якуний қисмини айнан пойтахтда ўтказишади.

Аввал Тошкентдаги машғулотлар давомида иккита назорат ўйини ўтказиш борасида хабар бериб ўтгандик. Ушбу режага бироз ўзгартириш киритилганлигини айтиб ўтиш жоиз. Яъни, жамоамиз 26 июль санасида ҳам майдонга тушадиган бўлди. Пойтахтдаги иккинчи учрашувда футболчиларимиз Жиззахнинг “Сўғдиёна” клуби билан баҳс юритишади. Дастлабки ўйин эса 23 июль куни “Бухоро” жамоасига қарши бўлиб ўтади. Сўнгги ўйин эса 27 июль санасига белгиланган. Ҳозирча сўнгги ўйиндаги рақиб номига ойдинлик киритилганича йўқ.

Ссылка :

Источник : pfcnavbahor.uz

Получайте новости прямо в Telegram!

Рейтинг: