"Навбаҳор": Тайёргарлик эртадан бошланади

Хабарингиз бўлса янги йил арафасида жамоа бошқарувида бир қатор ўзгаришлар рўй берганди. Раҳбариятдаги ўзгаришдан ташқари бош мураббий Бахтиёр Ашурматов ўрнига Рашид Ғофуров бош мураббий этиб тайинланганди.

Эртадан Ғофуров янги лавозимдаги ишини расман бошлайди. “Навбаҳор” тайёргарликнинг дастлабки босқичини Наманганда ўтказади. Бугун эса жамоамиз ёшлари дастлабки машғулотни ўтказишди. Машғулотни Мустафо Байрамов, Шерзод Жўраев ва Дурбек Умаралиевлар бош мураббий Рашид Ғофуров бошчилигида ўтказишди. Ўтган мавсум давомида биринчи лига вакили “Хотира-79” жамоасида ўйновчи мураббий сифатида иш юритган Дурбек Умаралиев ҳам жамоа мураббийлар штабидан жой оладиган бўлди.