"Навбаҳор": Мамазулумов келди, "Машъал"га ютқаздик

Машғулотлар сўнггида эса Муборакнинг «Машъал» клуби билан куч синашилди. Якунда «газчилар» 2:0 ҳисобидаги ғалабани қўлга киритишди. Учрашувда мураббийлар штаби бўлимларда икки хил таркибни синовдан ўтказишди. Бунинг самараси ўлароқ танаффусга қадар ҳисоб очилмади. Танаффусдан кейин эса муборакликлар Мочалов дарвозасини икки бор нишонга олишди. Учрашувда «Навбаҳор» таркиби қуйидагича кўринишга эга бўлди..

Биринчи бўлим: Виктор Мочалов, Қаҳрамон Маҳаммаджонов, Фарруҳ Йўлдошев, Дурбек Умаралиев, Ботир Тўрабоев, Собир Ҳамидов, Азим Аҳмедов, Муҳаммад Расулов, Абдулазиз Султонов, Мўйдин Мамазулумов, Абдураззоқ Жўраев.

Иккинчи бўлим: Виктор Мочалов, Тимур Султонов, Аҳрол Рисқуллаев, Жаҳонгир Меҳмонов, Рустам Аъзамов, Леонид Кошелев, Акрам Баҳриддинов, Яннис Мандзукас, Илҳом Бойдедаев, Аюбхон Гаппаров, Ғайрат Жўраев.

Захирадан Рўзимбой Аҳмедов майдонга тушди.

Таркибларга назар ташлаб, янги ўйинчиларни майдонга тушганлигига гувоҳ бўлиш мумкин. Давралар оралиғида «Нефтчи» кўригида бўлган Мўйдин Мамазулумов ва навбатдаги чемпионат биринчи даврасини «Сўғдиёна»да ўтказган Дурбек Умаралиевлар шулар жумласидандир. Ушбу футболчилар «Машъал»га қарши ўйин арафасида сафга қўшилди. Тошкент йиғини якунига етгач, футболчиларга икки кунлик таътил эълон қилинди. Жамоамиз 30 июлдан Наманганда тўпланиб, иккинчи даврага тайёргарликнинг якуний қисмига киришади. 31 июлда эса футболчилар Андижонда «Андижон» жамоаси билан давралар оралиғидаги сўнгги назорат учрашувини ўтказишади.