"Навбаҳор": Чемпионлар келишмоқда

1996 йилги чемпионатда “Навбаҳор” сафида Ўзбекистон чемпионлигини қўлга киритган футболчиларнинг айримлари бугунги кунда хорижда истиқомат қилишмоқда. Биринчилардан бўлиб юртимизга Эдуард Мамотов етиб келди. Ўзбекистон чемпионатлари тарихида биринчи бўлиб, беш карра мамлакат чемпионлигига сазовор бўлган Мамотов бир неча кун Тошкентда ёру-дўстлари билан учрашиб, бундан бир неча соат олдин Наманганга етиб келди. Бугун-эрта бошқа футболчилар ҳам юртимизга етиб келишади.

Эдуард Мамотов ҳақида қисқача маълумот. Фаолияти давомида «Восток» (Усть-Каменогорск), «Химик» (Жамбул), «Нефтчи» (Фарғона), «Навбаҳор» (Наманган), «Черноморец» (Новороссийск), «Металлург-Кузбасс» (Новокузнецк) жамоалари шарафини ҳимоя қилган. Ўзбекистон миллий терма жамоаси сафида 15 та ўйинда майдонга тушган.

Эришган ютуқлари: Ўзбекистон чемпиони (1992-1996), Ўзбекистон кубоги соҳиби (1992, 1995), МДҲ Чемпионлари кубоги финалчиси (1994), Осиё Чемпионлар кубогида 3-ўрин соҳиби.  

Футболчилик фаолиятини 2005 йили Навокузнецкнинг «Металлург-Кузбасс» жамоасида якунлаган Мамотов бугунги кунда мураббий сифатида иш юритмоқда. Дастлабки кезларда “Металлург-Кузбасс” иккинчи жамоасида бош мураббийлик қилгач, 2007-2009 йиллар давомида “Металлург-Кузбасс” асосий таркибида ёрдамчи мураббий сифатида фаолият олиб борди. 2010-2012 йилларда эса Кемерованинг “Кузбасс” клубини бошқарди. Иқтисодий томондан қийинчиликка учраган клуб тарқатиб юборилгач Мамотов бир йил давомида футбол мактабида болаларга миллионлар ўйинидан сабоқ берди. 2014 йилдан эса Россия иккинчи лигаси қатнашчиси Прокопьескнинг «Шахтёр» жамоасига бош мураббийлик қилиб келмоҳда.