"Навбаҳор" Алишер Маҳмудов клубни тарк этганини тасдиқлади

Кеча сайтимиз орқали бу ҳақда хабар берган эдик.

"Бугун жамоамиз Тошкентда навбатдаги йиғинни бошлайди. Жамоамиз аъзолари бироздан кейин “Ўзбекистон” меҳмонхонасида тўпланишади. Машғулотларга эса куннинг иккинчи ярмида киришилади. Машғулотга қадар жамоа аъзолари учун  “Футбол қоидаларидаги ўзгаришлар” мавзусида семинар ташкил этилади. Шу ўринда жамоа таркибида ўзгариш рўй берганлигини айтиб ўтиш жоиз. Сўнгги йилларда “Навбаҳор” шарафини ҳимоя қилган ярим ҳимоячи Алишер Маҳмудов бошқа жамоага ўтадиган бўлди. Шу сабабли маҳоратли ярим ҳимоячи навбатдаги йиғинга жалб этилмади. Фурсатдан фойдаланиб, “Навбаҳор” футбол клуби ва жамоа мухлислари номидан Алишер Маҳмудовнинг кейинги фаолиятига омад ёр бўлишига тилак билдириб қоламиз", - дейилади клуб расмий сайтида.