"Навбаҳор" 25 январь куни Туркияга учиб кетади

Бу ҳақда жамоа бош мураббийи Андрей Канчельскис клуб матбуот хизмати била интервью чоғида айтиб ўтди.

Унга кўра Наманганда 20 январгача ўқув-машғулот йиғини ўтказадиган "лочинлар" 22 январь куни Тошкентда “Қўқон-1912” клубига қарши ўртоқлик учрашуви ўтказади. 23-24 январь кунлари "Навбаҳор" футболчилари тиббий кўрикдан ўтишади ҳамда 25 январда Туркияга жўнаб кетади. "Лочинлар" Туркияда 21 февралгача йиғин ўтказишади.

Ушбу йиғин доирасида "Навбаҳор" 6та назорат учрашуви ўтказади. Ҳозирча иккита рақиб номи маълум: Туркманистоннинг “Ахал” ва Сербиянинг “Рад” жамоалари. Қолган рақиблар яқин орада маълум бўлади.