"Насаф"га иккита гол урган Али Алипур терма жамоага чақирилди
14 фев 2018 11:25
Новости

"Насаф"га иккита гол урган Али Алипур терма жамоага чақирилди

Кеча Осиё чемпионлар лигасининг 1-туридан ўрин олган "Персеполис" - "Насаф" учрашуви бўлиб ўтди ва бунда меҳмонлар 0:3 ҳисобида мағлуб бўлишди.

Ўйинда "Насаф" дарвозасига икки бор тўп киритган Али Алипур Эрон миллий терма жамоасига таклиф этилди. Бу ҳақда persianfootball.com сайти хабар бермоқда. Эронлик мухбирларнинг ёзишича, 22 ёшли ҳужумчи илк бор терма жамоа либосида ўйнайди. Унинг охирги пайтларда кўрсатаётган ўйини бош мураббий Карлуш Кейрушга ёқиб қолган ва шу боис ҳам Алипурни синаб кўрмоқчи.

Алипур кечаги учрашувда ўзидан илиқ таассурот қолдирди ва ҳужумчи қандай бўлиши кераклигини битта ўйиндаёқ кўрсатиб қўйди. Маълумот учун, бу футболчи катта футболдаги фаолиятини 2011 йил "Нассажи Мазандаран" клубида бошлаган. У 16 ёшга тўлган пайт ўз дебютини нишонлаган.

Али Алипур 2015 йил "Персеполис"га кўчиб ўтади ва "Истиқлол" билан кечган баҳсда тўп киритиб, бу икки жамоалар ўртасидаги беллашувда гол урган энг ёш футболчига айланади. Ўшанда у 19 ёшда эди. Алипур ҳозир Эрон чемпионатида 17та гол билан тўпурарлар рўйхатида пешқадамлик қилмоқда.

Ссылка :

Источник : persianfootball.com

Получайте новости прямо в Telegram!

Рейтинг: +13