“Насаф” машғулотларни давом эттирмоқда
19 дек 2014 17:15
Новости

“Насаф” машғулотларни давом эттирмоқда

15 декабрдан янги мавсумга тайёргарликни бошлаб юборган “Насаф” футболчилари айни пайтда ўз қароргоҳлари ва “Марказий” стадионда машғулотларни ўтказишмоқда.

Мавсумлар оралиғида жамоа таркибида ўзгаришлар бўлиши табиий ҳол. Ҳозирча якунланган мавсумда жамоа таркибида тўп тепган барча футболчилар “Насаф” билан янги мавсумга ҳозирлик кўришмоқда. Куни кеча жамоа сардори Артур Геворкян клуб машғулотларига келиб қўшилган бўлса, яқинда Москвада жарроҳлик амалиётини ўтаб қайтган ҳужумчилар Кенжа Тўраев ва Азамат Алланиязов жароҳатларини тиклаш билан банд. Шунингдек, жамоа таркибига ўринбосарлар жамоасидан Дилшод Хушбаков, Азиз Ғаниев ва Нажмиддин Нормуродов сингари футболчилар иштирок этишмоқда.

Янги йилга қадар “Насаф” машғулотлари Қарши шаҳрида давом эттирилади ва вилоятимиз жамоаларидан бири билан назорат учрашуви ўтказилиши кўзда тутилган. 26 декабрь куни “Насаф” футболчиларига Ўзбекистон чемпионати бронза медаллари тантанали равишда топширилади.

Ссылка :

Источник : fcnasaf.uz

Получайте новости прямо в Telegram!

Рейтинг: