"Насаф": Машғулотлар давом этмоқда

Бугун жамоамиз аъзолари клуб қароргоҳида ўзларининг навбатдаги машғулотларини ўтказишди. Рўзиқул Бердиев бошчилигида ўтган машғулотда футболчилар тўлиқ дастур бўйича шуғулланишди.
Машғулотларда асосий урғу футболчиларимизнинг жисмоний ҳолати ва тўп билан ишлашга қаратилди.
Жисмоний машқларни Илнур Сибагатуллин ўтказган бўлса, Шуҳрат Тошпўлатов футболчиларни тўп билан ишлатди.
Дарвозабонлар мураббийи Денис Иванков эса ўзининг тўрт нафар шогирдини махсус дастур бўйича шуғуллантирди.
Машғулотларнинг сўнгги босқичида футболчилар иккига бўлиниб футбол ўйнашди. Рўзиқул Бердиев бошчилик қилган жамоа 6:5 ҳисобида ғалаба қозонди.
Икки соат давом этган машғулот соат 20:00да ўз якунига етди.

Эслатиб ўтамиз, Олий лиганинг 24-туридан ўрин олган "Металлург"га қарши ўйин 30 сентябрь куни Бекободда бўлиб ўтади.