RU

Последние новости

18:43"Ал Иттиҳод" бразилиялик футболчи билан музокараларни бошлади  0 18:15"Манчестер Юнайтед" собиқ ҳимоячиси "Астон Вилла"га ўтмоқда  0 18:00АПЛ. "Брайтон" - "Манчестер Сити" 0:1 (матнли трансляция)  4 17:44Энцо Мареска: "Жароҳатларнинг кўплиги бежизга эмас"  0 17:16"Қайрат": "Реал" билан ўйин учун чипталар сотувга чиқарилмаган ва нархлар тасдиқланмаган"  0 16:56"Милан" "Ливерпуль" ҳимоячисини сотиб олмоқчи  0 16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   12 16:26Жейми Вардининг навбатдаги жамоаси маълум!  4 15:52Пол Паркер: "Де Хеа қайтмаса керак"  3 15:30Эрик тен Хаг истеъфога чиқиш арафасида  9 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  16 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4

"Насаф" лагеридан дарак Новости

"Насаф" лагеридан дарак

Теги :  Насаф
Сайтимиз ходими Шаҳбоз Беғамов "Насаф"даги вазият ва жамоага оид тафсилотлар билан ўртоқлашди.

Айни пайтда клубнинг асосий қароргоҳида таъмирлаш ишлари олиб борилаётгани туфайли "Насаф" жамоаси клубга тегишли бўлган захира қароргоҳи - "Спутник"да янги мавсумга тараддуд кўрмоқда.

Жамоа йиғин доирасида 2 февраль куни "Динамо"га қарши назорат баҳсини ўтказиши режлаштирилган. Шундан сўнг "аждарлар" 4 февраль куни Тошкентда тиббий кўрикдан ўтишади.

"Насаф"даги ўзгаришларга келадиган бўлсак, жамоани ҳозиргача расман 3 нафар футболчи тарк этди. Тажрибали ҳимоячи, "Насаф"нинг кўп йиллик содиқ футболчиси Мақсуд Каримов бутсасини михга илганди. Дарвозабон Санжар Қувватов эса шартномаси тугагани боис эркин агент сифатида "Пахтакор"дан қўним топди. Чап қанот ҳимоячиси Сайдулло Раҳматов эса АГМК сафига бориб қўшилди.


Жамоа мураббийлар штабида куни кеча ўзгариш амалга ошгани ҳақида хабар бергандик. Рўзиқул Бердиевга дарвозабонларни тайёрлаб беришда кўмакчи бўлган тажрибали мутахассис Денис Иванков Қаршидаги 6 йиллик фаолиятидан сўнг жамоадан кетди. Унинг ўрнига ким келиши ҳозирча номаълум. Номзодлар қаторида Михаил Наумов сингари жамоанинг собиқ дарвозабони ҳам тилга олинмоқда.

Одил Ҳамробеков, Азиз Ғаниев ва Бобир Абдихолиқов сингари футболчиларга кўплаб жамоалардан қизиқиш ва таклифлар мавжуд. Бироқ "Насаф" клуби мазкур футболчиларни яхшигина маблағ эвазигагина қўйиб юбориши мумкин. Қўшимчасига, бош мураббий Рўзиқул Бердиев раҳбариятга шартномани узайтираётганда жамоанинг мавжуд ўзагини сақлаб қолиш шартини қўйган. Бердиев "Насаф"да аллақачон етакчига айланиб улгурган ёшлар атрофида янги жамоа шакллантирмоқчи.

Бироқ мураббий ҳозирча мавсумга тараддуд кўриш босқичининг асосий қисмига тўлиқ режа тузишда муаммога дуч келмоқда. Сабаби, "Насаф"нинг кўплаб аъзолари ОТЖга номзод футболчи саналишади ва ҳозирча Любинко Друлович жамоасининг аниқ режаси тасдиқлангани йўқ.

"Насаф"нинг янги мавсумга тайёргарлик режаси бевосита ОТЖнинг тайёргарлик дастурига боғлиқ. Чунки жамоанинг асосий ўзаги айнан "аждарлар" футболчиларидан ташкил топган.

"Насаф" сафида шуғулланиб юрган иқтидорли ҳужумчи Ҳумоюн Муртазоев билан қаршиликлар оғзаки келишувга эришишган. "Машъал"даги ёрқин ўйинлари орқали кўпчиликка таниш бўлган ҳужумчи ниҳоят "Насаф"да кўриниш беришга яқин турибди. Тез орада битим расмийлаштирилиши мумкин. Шунингдек, жамоа таркибдаги чизиқларни кучайтириш ва рақобатни кучайтириш мақсадида селекция ишлари олиб борилмоқда. Кучайтирилиши керак бўлган чизиқлар - ҳимоя, қанот ярим ҳимояси ва ҳужум.

Янги мавсумда "Насаф"да легионерлар пайдо бўлиши мумкинми? Агарда пичоққа илинадиган легионерлар бўлса, унда "Насаф" уларнинг хизматига лаббай дейиши мумкин. Ҳозирча баъзи легионер футболчилар кўрикда бўлиб қайтган. Аммо уларнинг даражаси ва ўйин сифати мураббийга маъқул келмаган.

Айни пайтда жароҳати боис сафдан чиққан Азиз Ғаниев Жиззахда тикланиш жараёнини ўтказмоқда. Футболчи февралдан бошлаб машғулотларга киришиши кутилмоқда.

Бугун кечки пайт "Насаф" жамоасининг асосий таркиб футболчилари ва раҳбарият билан кичик йиғилиш бўлиб ўтиши режалаштирилган. Жамоанинг келгуси режалари, тайёргарлик босқичи ва таркибдаги ўзгаришлар ҳақида катта эҳтимол айнан мазкур йиғилишдан сўнг аниқ бир тўхтамга келиниши мумкин.

Рейтинг: +51   

Комментарии

championat.asia
< посмотреть последние новости
Яндекс.Метрика