"Насаф": Ҳаммаси учун раҳмат, Одилжон!

Бундан буён Одилжон “Пахтакор” клуби шарафини ҳимоя қилади.

Одилжон Ҳамробеков жамоамииздаги фаолияти давомида қатор ютуқларга эришди. Шунингдек у мамлакатимизнинг турли ёш тоифасидаги терма жамоаларида юртимиз шаънини муносиб ҳимоя қилиб, катта зафарларни қўлга киритди.

Биргина мисол тариқасида унинг 2018 йилда бўлиб ўтган U-23 Осиё чемпионатида чемпионликни қўлга киритганлигини айтиб ўтиш жоиз ва мусобақанинг энг яхши ўйинчиси сифатида эътироф ҳам этилди. У 2017 йилдан миллий терма жамоамизга ҳам мунтазам жалб этиб келинмоқда ва шу пайтгача 9 марта расмий ўйинларда майдонга тушди.

Тарбияланувчимиз  Одил Ҳамробековни  келгусида бунданда катта ютуқларни қўлга киритишига ишонамиз.

Одилжонга клубимиз раҳбарияти, мураббийлари, футболчилари ҳамда барча мухлисларимиз номидан клубимиздаги фаолияти учун каттадан-катта ташаккурлар билдирамиз ва келгуси фаолиятида улкан зафарлар тилаймиз.

Ҳаммаси учун раҳмат, Одилжон!

"Насаф" ПФК жамоаси