“Насаф” эртага оқ футболкаларда майдонга тушади
30 янв 2017 15:01
Новости

“Насаф” эртага оқ футболкаларда майдонга тушади

Хабарингиз бор, эртага 31 январь куни Тошкент шаҳридаги “Бунёдкор” стадионида “Насаф” ҳамда Баҳрайннинг “Ал-Ҳидд” жамоалари ўртасида, ОЧЛ-2017 саралаш учрашуви бўлиб ўтади.

Бугун бўлиб ўтган ҳар иккала клуб расмийлари иштирокидаги йиғилишда жамоалар эртага бўладиган учрашувда қандай футболкаларда майдонга тушиши келишиб олинди.

Унга кўра, “Насаф” жамоамиз оқ футболкада, меҳмонлар – “Ал-Ҳидд” жамоаси эса кўк футболкаларда майдонга тушадилар.

Эслатиб ўтамиз, учрашув эртага соат 16:00да бошаланади.