“Насаф” –“Динамо” (Тбилиси) учрашувида бир дақиқалик сукут сақланди

Учрашувдан олдин ҳар иккала жамоа аъзолари вилоят футболи фидойиси, Қашқадарё вилоятининг собиқ ҳокими, марҳум Нуриддин Зайниев хотираси учун бир дақиқалик сукут сақлашди.

Бевосита учрашувга тўхталадиган бўлсак, шу куни жамоамиз йиғин давомидаги энг кучли рақибга қарши майдонга чиқди. Гарчи футболчиларимизда ҳисобни очиш учун қулай имкониятлар бўлган бўлсада, ўйиннинг сўнгги дақиқаларида “динамо”чилар тўп киритиб, ғалабани ўзлари томонга оғдириб олишди.

Таркибидаги ўзгаришларга тўхталадиган бўлсак, жамоамизда кўрикда бўлиб турган украиналик Сергей Шаповал клуб лагерини тарк этди. Айни пайтда словениялик ҳимоячи Рой Рок жамоамиз таркибида кўрикда ўтмоқда ва у кечаги ўйинда илк марта “Насаф” либосида майдонга чиқди.

Таъкидлаш жоизки, қаршилик футболчилари 22 январдан буён Анталияда ўқув-йиғин машғулотлари ўтказиш билан бирга тўртта назорат учрашувини ўтказишди. Икки учрашувда ғалаба футболчиларимиз томонидан бўлган бўлса, икки ўйинда кичик ҳисобда имконият бой берилди.