“Насаф” – “Андижон” учрашуви бошланиши вақти маълум бўлди

Ниҳоят футбол мухлислари орзиқиб кутган янги футбол мавсуми 12 март кунидан бошланади. XXIV Ўзбекистон миллий чемпиоанти тақвимига кўра, 1-тур учрашувлари 12 ва 14 март кунлари бўлиб ўтади.

Қарши шаҳридаги “Марказий” стадионда 12 март пайшанба куни кеч соат 18:00да “Насаф” жамоаси Андижоннинг “Андижон” жамоалари ўртасидаги учрашув бошланади. Стадионга ташриф буюришган футбол ишқибозлари, учрашув бошланиши олдидан ташкил этилаётган расмий ва маданий тадбирларни ҳам томоша қилишга муяссар бўлишади.

“Насаф” – “Андижон” жамоаларининг ўринбосарлари ўртасидаги учрашув бир кун олдин, яъни 11 март чоршанба куни соат 16:00да Қарши шаҳридаги “Геолог” стадионида бошланади.

Навбатдаги хабарларимизда учрашувга чиқарилган чипталар, уларнинг нархлари ва қайси санадан сотувга чиқарилиши тўғрисида ҳам маълумотлар берамиз.