“Наполи” янги трансферини эълон қилди

“Фенербаҳче” клубида тўп суриб келаётган македониялик 19 ёшли Элиф Элмас фаолиятини “Наполи”да давом эттиради. Бу ҳақда клуб матбуот хизмати хабар берди.

Неаполликлар Элмас учун 15 млн евро тўлайдиган бўлди.

Элиф ўтган мавсум “Фенербаҳче” сафида 40 учрашув ўтказиб, 4 та гол урди. У шунингдек, Шимолий Македония терма жамоаси сафида 11 та ўйинда 2 та гол урган.