RU

Последние новости

01:23Суҳроб Иззатов: "Бир метрдан очиқ дарвозага ҳам тўп кирмаяпти"  1 00:54Зоир Жўрабоев: "Суперлигада учта гол урганман ва уларнинг барчаси "Бунёдкор" дарвозасидан ўрин олган"  0 00:39Луис Качорри: "Бугун "Бунёдкор" билан ўз майдонимиздаги сўнгги ўйиним бўлиши мумкин"  0 00:17Одил Ҳамробеков биринчи даврада унга энг кўп қийинчилик туғдирган футболчи кимлигини айтди  0 00:09Клублар ўртасидаги ЖЧ-2025. "Фламенго" - "Бавария" баҳсининг асосий таркиблари маълум қилинди  4 23:48Элдор Мойлиев: "Яккакурашларда ютқазсангиз, ҳеч қанақа тактика ёрдам бермайди"  0 23:33Михаил Еремчук: "Ғалаба учун аввало футболчиларга раҳмат"  2 23:30Суперлига. "Бухоро" ва "Бунёдкор"дан камбэк  1 23:14Иван Бошкович: "Ҳеч кимнинг бошини ёрмоқчи эмасман. Биз бундай ҳолатларга тайёр бўлиб боряпмиз"  3 22:56Клублар ўртасидаги ЖЧ. ПСЖ "Интер Майами"га имконият қолдирмади  168 22:45Илёс Зейтуллаев: "Бундай ажойиб ҳиссиётларни фақатгина футбол бера олади. Носир Абдусаломовни ўтган йилдан бери кузатиб келаман"  2 22:15Осиё Кубоги саралаши. Ўзбекистон аёллар терма жамоаси Шри-Ланкани 10:0 ҳисобида тор-морт этди. Нилуфар Қудратовадан "покер"  1 21:55Суперлига. "Бухоро" камбек амалга ошириб, "Шўртан"ни мағлуб этди   13 21:18Моуриньюга "Манчестер Сити" ҳимоячиси керак  0 20:56"Бунёдкор" суперкамбэк эвазига "Сўғдиёна"ни мағлуб этди  15

Мюнхен авиаҳалокатида тирик қолиб, бир неча кишини қутқарган дарвозабон вафот этди Новости

Мюнхен авиаҳалокатида тирик қолиб, бир неча кишини қутқарган дарвозабон вафот этди

Қайғули янгилик - "Манчестер Юнайтед"нинг афсонавий шимолий ирландиялик дарвозабони, Мюнхен авиаҳалокатида тирик қолган ва клубга 10 йил умрини бағишлаган Гарри Грегг (1932-2020) вафот этди.

Қайғули янгилик - "Манчестер Юнайтед"нинг афсонавий шимолий ирландиялик дарвозабони, Мюнхен авиаҳалокатида тирик қолган ва клубга 10 йил умрини бағишлаган Гарри Грегг (1932-2020) вафот этди.

Гарри уча олмагай, бўлакларга бўлиниб, ёниб кетган самолётдан бир неча кишини олиб чиққан. Грегг ўзгалар ҳаёти учун ўзини олов ичига отган. Югославиялик дипломатнинг хотини Вера Лукич, унинг қизи Весна, МЮ футболчилари Бобби Чарльтон, Альберт Скэлон, Рэй Вуд, Деннис Вайолет, Жеки Бленчфлауэр Гарридан қарздор. Чарльтон ва Вайолет хушсиз эди, шимолий ирландиялик футболчи уларни шимининг камарига боғлаб олиб чиққан... Грегг мураббий Мэтт Басбига сунъий нафас бериб, уни ҳаётга қайтарган. Барча эсга олинган одамлар тирик қолган. Ўша ҳалокатда 23 киши вафот этган ва уларнинг саккиз нафари МЮ футболчилари бўлган.

У Мюнхендаги воқеадан 13 кун ўтиб майдонга тушган ("Шеффилд Уэнсдей"га қарши Кубок ўйини) ва бошидаги жиддий оғриқларга қарамай, мавсумни якунлай олган. Бир неча ой ўтиб Грегг нейрохирургга мурожаат қилди ва унда бош мия суяги синиши аниқланди. У айнан ўша мавсумда МЮдаги чўққисига етди - у "қизил иблислар" билан Кубок финалига чиқди, бироқ ҳал қилувчи баҳсда "Болтон" ғалаба қозонди (2:0). Кейин Грегг рақобатда Гаскеллга мағлуб бўлди ва бир неча йил жароҳатлардан азоб чекди. Унинг ўйин даражаси пасайиб кетди. Янги МЮ у билан икки марта мамлакат чемпиони бўлди ва 63 йилда Кубокни қўлга киритди, аммо ҳар сафар медаль олиш учун Гарри учрашувларда етарлича иштирок эта олмади.

Унинг фаолияти чўққиси терма жамоада бўлган - Грегг Швециядаги ЖЧ-1958да Шимолий Ирландия терма жамоасини чорак филангача олиб чиққан ва турнирнинг энг яхши дарвозабони деб топилган. Ўшанда ҳам у жароҳат билан ўйнаган эди.

Ҳозир бундай футболчилар етишиб чиқмаяпти.

Грегг Шимолий Ирландия терма жамоаси сафида 25та, МЮда 247та (1957-1966, уни "Донкастер"дан 23 минг фунтга сотиб олишган, ўшанда бу нарх дарвозабон учун рекорд сумма эди) ўйин ўтказган.

"Сток Сити" сафидаги узоқ бўлмаган фаолиятидан сўнг Гарри 1966 йилда мураббийга айланди, дарвозабонлар мураббийи эмас, бош мураббий. Қизиқ, аммо айнан Грегг 1986 йилда МЮни бошқаришга асосий номзодлардан бири бўлган ва уни Мэтт Басби тавсия қилган, бироқ директорлар кенгаши Алекс Фергюсонни танлаган эди... 2012 йилда МЮ Ферги бошчилигида Гарри Грегг шарафига ўтказиладиган ўйин учун Белфастга келганди.

Ҳа, айтганча, Гарри (Harry) бу исм эмас, лақаб. Дарвозабон ўзининг ҳақиқий исми - Генрини ёқтирмаган кўринади.

Рейтинг: +13   

Комментарии

championat.asia
< посмотреть последние новости
Яндекс.Метрика