“МЮ” Санчеснинг агентига камида 10 млн фунт тўлаши шарт
14 янв 2018 08:06
Новости

“МЮ” Санчеснинг агентига камида 10 млн фунт тўлаши шарт

“Манчестер Юнайтед” клуби “Арсенал” етакчиси Алексис Санчесни қўлга киритиш учун футболчининг агенти Фернандо Фелисевичга 10 миллион фунт стерлинг тўлаб бериши шарт бўлади.

Ўз ўрнида “Арсенал” клуби ярим ҳимоячининг трансферидан 30 миллион фунт стерлинг олмоқчи. “Юнайтед” ушбу талаб этилаётган суммани тўлаб беришга тайёр турибди.

Аввалроқ, Санчесга харидорлардан яна бири “Манчестер Сити” клуби футболчини сотиб олиш фикридан қайтганлиги айтилганди. Бунга Алексисга “Арсенал” томонидан қўйилган трансфер суммаси сабаб бўлганди. “Шаҳарликлар” Санчесга кўпи билан 20 миллион фунт тўлашни мақсад қилишган эди.