МЮ – "Кристал Пэлас" баҳси олдидан Мюнхендаги фожиада ҳалок бўлганлар хотираси ёд олинади
04 фев 2023 17:58
Новости

МЮ – "Кристал Пэлас" баҳси олдидан Мюнхендаги фожиада ҳалок бўлганлар хотираси ёд олинади

Бугунги ўйин бошланишидан олдин Эрик тен Ҳаг ва Марк Скиннер Мюнхендаги ҳалокатда вафот этганлар хотирасига "Олд Траффорд"да мотам гулчамбарларини қўяди.

Футболчилар майдонга мотам боғичларида тушади ва ўйиндан олдин бир дақиқалик сукут эълон қилинади.

Шунингдек, бугун "Олд Траффорд"да Мюнхен аэропортидаги фожиа вақтида ҳалок бўлган ёки жароҳатланган футболчилар ва клуб ходимларининг оила аъзолари бўлади.

Стадиондаги байроқлар пастга туширилади ва жамоалар майдонга чиқиб келаётганда "The Flowers of Manchester" қўшиғи янграйди. Трибунадаги мухлислар "Басби болалари" ва "We’ll never die" ("Биз ҳеч қачон ўлмаймиз") ибораси акс этган анъанавий баннерни очиб қўяди.

Эслатиб ўтамиз, Мюнхендаги авиаҳалокат 1958 йил 6 февралда рўй берган. Унда 23 киши вафот этиб, 19 киши жабрланган.

Ссылка :

Источник : Manchester Evening News

Получайте новости прямо в Telegram!

Рейтинг: +2