Мхитарян "Рома" билан шартномани узайтиришни рад этиши ва ёзда текинга клубдан кетиши мумкин

32 ёшли футболчининг битимида шартномани узайтириш банди бўлса ҳам, ҳали у битимни узайтирмади. Футболчи "Рома"да бир мавсум давомида 25та ўйин ўтказа олса (Мхитарян буни январдаёқ қилган эди), меҳнат шартномасини узайтириш имкониятига эга бўларди.

Футболчи ва унинг агенти Мино Райола ҳали якуний жавобни айтишмади. "Рома"да ёзда рўй бериши мумкин бўлган жиддий ўзгаришларни ҳисобга олса, томонлар клубдан келажак учун аниқ режа олишмоқчи.

Мхитаряннинг "Рома" билан тузган амалдаги шартномаси ёзда якунига теади. 32 ёшли арманистонлик футболчи жорий мавсум Италия чемпионати доирасидаги 29та ўйинда майдонга тушиб, 9та гол ва 8та ассист қайд этди.