Музаффар Олимжонов рақиб дарвозабони билан бирга-бир вазиятда нега зарба бермаганини изоҳлади
13 апр 12:03
Новости

Музаффар Олимжонов рақиб дарвозабони билан бирга-бир вазиятда нега зарба бермаганини изоҳлади

Суперлиганинг 5-туридан ўрин олган "Бунёдкор" – "Қизилқум" (0:0) учрашувидан кейин мезбонлар ярим ҳимоячиси Музаффар Олимжонов фикрлари билан ўртоқлашди.

"Яхши ўйин бўлди. Майдонда ўн киши бўлиб қолганимиз ҳам гол уриш имкониятларимизни пасайтириб юборди. Шунга қарамай, ўйинни назоратни қилдик. Энди кейинги ўйинга ҳозирлик кўрамиз.

Қолаверса, "Қизилқум" яхши ҳимояланганини эътироф этмоқчиман. Нафақат улар, балки бошқа рақиблар ҳам ўйинларга жиддий ҳозирлик кўришяпти. Ҳозир ҳамма футбол ўйнашни билади. Ҳамма нарса меҳнатга орқасидан эришилади.

Тўғри, менда яхши имконият бўлди, рақиб посбони билан бирга-бир вазиятга чиқиб бордим. Лекин ўша вазиятда дарвозабон яқин келиб қолгани учун зарба бериш учун имкон йўқ эди, тепган тақдиримда ҳам Қувватов тўпни қайтарарди. Шу боис мендан ҳам қулайроқда турган шеригимга пас беришга қарор қилдим, аммо ҳимоячилар вазиятни бартараф этишга улгурди", деди 23 ёшли футболчи.