Музаффар Абдуллаев: “Раҳбарият барча муаммоларни хал қилиб бермоқда”
23 янв 2017 09:02
Новости

Музаффар Абдуллаев: “Раҳбарият барча муаммоларни хал қилиб бермоқда”

Жиззахнинг “Сўғдиёна” клуби қишки йиғиндаги илк назорат учрашувини ўтказди. Фарғонанинг “Нефтчи” клуби “Сўғдиёна”га рақиблик қилди.

Баҳсда фарғоналиклар йирик (4:1) ҳисобида зафар қучишди.

“Бугун қишки йиғиндаги илк назорат учрашувимизни ўтказдик. Биринчи ўртоқлик ўйини бўлгани учун жамоадошларим билан бир-биримизни тушуниб ўйнашда бироз муаммолар бўлди. Жамоага янги футболчилар келган. Секин-аста улар билан яхши чиқишиб кетяпмиз.

Ўйиндаги барча камчиликларни мавсумгача бартараф этишга ҳаракат қиламиз. Ҳозирча жамоа билан шартнома тузганим йўқ, лекин раҳбарият билан оғзаги келишиб олдим. Молиявий муаммолар аксарият клубларда бор. Клуб ходимлари биздаги молиявий муаммоларни секин-аста ҳисоб-китоб қилмоқда. Бизни шундайликча ташлаб қўйгани йўқ. Барча муаммоларни хал қилиб бермоқда. Менга водий клубларидан таклифлар бўлди, лекин “Сўғдиёна” билан оғизаки келишувга эришдим. Яқин кунларда янги шартномага имзо чекаман”, - дейди “Сўғдиёна” клуби дарвозабони Музаффар Абдуллаев.

Жаҳонгир Сотволдиев

Ссылка :

Источник : championat.asia

Получайте новости прямо в Telegram!

Рейтинг: +2