Мухтор Қурбонов: "Февралда Туркияда йиғин ўтказамиз"

Энди улар биринчи лигага бошқа қайтмоқчи эмас. Шу боис келаси мавсумга пухта тайёргарлик кўриш ниятида. Бош мураббий Мухтор Қурбонов билан суҳбатлашганимизда, таркибдаги ўзгаришлар хусусида тайинли гап айта олмасада, жамоанинг қишки йиғин режаларини маълум қилди.

- Янги мавсумга тайёргарлик жараёни тўрт босқичдан иборат бўлади. Ҳозир футболчилар таътилда. Лекин биз мураббийлар янги режалар борасида ишлаяпмиз. 15 декабрь куни йигитларни Ғузорда йиғамиз. 28 декабрга қадар тикланиш машғулотларини олиб борамиз. Сўнгра янги йил муносабати билан футболчиларга қисқа муддатли дам берилади. Янги йилдан чинакам йиғин бошланади. Январь ойининг учинчи кунидан бошлаб, Тошкентда йиғиламиз ва у ерда 18гача машғулот ўтказилади. Кейин уч кун яна дам бериб, 21 январдан яна пойтахтда тўпланамиз. Икки ҳафталик йиғин ўтилгач, қисқа муддат дам оламиз. 5 февраль куни эса хорижга жўнаб кетамиз. Туркияда 19 февралга қадар бўлишни режалаштирганмиз. Тўғриси, ҳозир чемпионат тақвими йўқлиги учун ҳозирча режамиз шулардан иборат. Қолганини вақт кўрсатади - дейди Мухтор Қурбонов.


Исломбек Рустамбеков.