Мухлислар Роналдунинг жарима зарбасини тепишдан олдин ўзига нима дейишини аниқлади
13 июн 20:48
Новости

Мухлислар Роналдунинг жарима зарбасини тепишдан олдин ўзига нима дейишини аниқлади

Португалиялик форварднинг Ирландияга қарши ўйиндаги жарима зарбаси тепишдан олдин айтган сўзлари ошкор бўлди.

Футболга синчков ишқибозлар Ирландияга қарши ўртоқлик учрашувида жарима зарбасини амалга оширишдан олдин Португалия терма жамоаси форварди Криштиану Роналдунинг ўзига нима деганини аниқ пайқашди.

39 ёшли футболчининг стандартдан йўллаган зарбаси дарвоза устунига тегиб қайтди, аммо кузатувчилар зарбани амалга оширишдан олдин у ўзи билан гаплашаётганига гувоҳ бўлишди.

Х (Твиттер) фойдаланувчиларининг аниқлашича, ҳужумчи зарба беришдан аввал ўзига: “Гол ур, сен учун бу одатий ҳол”, деб айтган.

Эслатиб ўтамиз, мазкур баҳсда форвард дублга эришди.

Роналду фаолияти давомида жарима зарбасидан 63 та гол уриб, бу борада барча даврларнинг энг яхши стандарт ижрочилари қаторидан ўрин олган.

Ссылка :

Источник : x.com/CristianoXtra_

Получайте новости прямо в Telegram!

Рейтинг: +13